Mae gennym ddyletswydd gyfreithiol i gydymffurfio â Rheoliadau Safonau’r Gymraeg (Rhif 8) 2022. Pan fyddwn yn darparu gwasanaethau Cymraeg, rydym wedi ymrwymo i drin y Gymraeg yr un fath ag yr ydym yn trin y Saesneg.

Rydym yn cydnabod pwysigrwydd y Gymraeg. Lle bo’n bosibl, rydym am hwyluso’r defnydd o’r Gymraeg ar draws ein gwasanaethau fel rheoleiddiwr.

Dysgwch fwy am y safonau yn ein datganiad cydymffurfio â Safonau’r Gymraeg.

Ein gwasanaethau

Rydym yn cefnogi’r defnydd o’r Gymraeg i:

• Godi pryder am osteopath
• Adnewyddu cofrestriad (ar gyfer osteopathiaid)
• Cysylltu â ni drwy e-bost neu yn drwy’r post
• Ymateb i’n hymgynghoriadau
• Cyrchu ein hadnoddau ar gyfer gwneud penderfyniadau gyda chleifion
• Gwneud cais am farciau cofrestru (ar gyfer osteopathiaid)
• Cymryd rhan mewn ymchwiliad addasrwydd i ymarfer
• Hyrwyddo cofrestru (ar gyfer osteopathiaid)

I gael rhagor o wybodaeth am sut rydym yn cefnogi’r defnydd o’r Gymraeg ar draws ein gwasanaethau a’n swyddogaethau, cysylltwch â ni’n uniongyrchol.

Rydym yn croesawu gohebiaeth gan siaradwyr Cymraeg drwy e-bost, drwy’r post ac ar WhatsApp. Ar hyn o bryd, nid oes gennym aelod o staff sy’n siarad Cymraeg felly nid ydym yn gallu ateb galwadau ffôn yn Gymraeg. 

Adrodd ar ein gwasanaethau Cymraeg

Rydym yn cyhoeddi Adroddiad Blynyddol i Gomisiynydd y Gymraeg sy’n esbonio sut rydym wedi cefnogi’r defnydd o’r Gymraeg ac sy’n cynnwys gwybodaeth am:

• Nifer y cwynion a gawsom yn ymwneud â’n cydymffurfiaeth â’r safonau.
• Nifer y gweithwyr GOsC sydd â sgiliau Cymraeg.
• Nifer y swyddi newydd a gwag y gwnaethom recriwtio ar eu cyfer lle’r oedd sgiliau Cymraeg naill ai’n hanfodol, yn ddymunol, angen eu dysgu neu ddim yn angenrheidiol.

Sut i godi pryder am ein gwasanaethau Cymraeg

Os nad ydych yn fodlon â’n gwasanaethau Cymraeg na’r ffordd rydym yn cydymffurfio â Safonau’r Gymraeg, anfonwch eich cwyn atom yn ysgrifenedig drwy’r post neu drwy e-bost, naill ai yn Gymraeg neu’n Saesneg.

Neu anfonwch e-bost atom: governance@osteopathy.org.uk

Er mwyn ein helpu i brosesu’ch cwyn yn gyflym, rhowch y canlynol:

• Disgrifiad clir o’r gŵyn a pha gamau yr hoffech i ni eu cymryd
• Eich cyfeiriad post llawn, rhif ffôn a chyfeiriad e-bost.

Dylech dynnu ein sylw at gwynion cyn gynted â phosibl ac o fewn 12 mis i’r digwyddiad dan sylw.

Beth allwch chi ei ddisgwyl gennym ni

Byddwn yn:

• Cydnabod derbyn eich cwyn o fewn 5 diwrnod gwaith.
• Trefnu i’r gŵyn gael ei hymchwilio’n llawn.
• Rhoi gwybod i chi am gynnydd.
• Anfon ateb llawn o fewn 21 diwrnod gwaith. Os nad yw hyn yn bosibl, byddwn yn esbonio pam ac yn eich hysbysu erbyn pryd y gallwch ddisgwyl ateb llawn.

Os nad ydych chi’n fodlon â’n hymateb

Os nad ydych chi’n fodlon â’r ymateb a gewch, gallwch ofyn i Gadeirydd y Cyngor adolygu’r mater. Mae’r Cadeirydd yn berson a benodir yn annibynnol sy’n goruchwylio strwythur llywodraethu’r GOsC.

Anfonwch e-bost atom yn governance@osteopathy.org.uk, gan nodi pam rydych yn parhau i fod yn anfodlon ar y canlyniad.

Ar ôl derbyn y llythyr, bydd y Cadeirydd yn sicrhau ein bod yn:

• Cydnabod derbyn eich cwyn o fewn 5 diwrnod gwaith.
• Trefnu i’r gŵyn gael ei hymchwilio’n llawn.
• Rhoi gwybod i chi am gynnydd.
• Anfon ateb llawn o fewn 21 diwrnod gwaith. Os nad yw hyn yn bosibl, byddwn yn esbonio pam ac yn eich hysbysu erbyn pryd y gallwch ddisgwyl ateb llawn.