Mae adran Reoleiddio y Cyngor Osteopathig Cyffredinol yn ymdrin ag unrhyw bryderon am osteopathiaid ar y Gofrestr. Os oes gennych bryder am osteopath, neu am driniaeth rydych chi wedi’i chael, gallwch wneud hyn drwy:

• Ein ffonio ni ar 020 7357 6655 est 224
• Defnyddio ein ffurflen ar-lein
• E-bostio ffurflen bryderon at regulation@osteopathy.org.uk

Cwblhewch y ffurflen bryderon gyda chymaint o fanylion â phosibl a’i hanfon atom, ynghyd ag unrhyw bapurau neu ddogfennau ategol sydd gennych sy’n berthnasol i’ch pryderon, megis:

• gohebiaeth rhyngoch chi a’r osteopath
• unrhyw nodiadau rydych chi wedi’u gwneud
• unrhyw ymchwiliadau meddygol fel delweddau pelydr-X neu sganiau MRI

Efallai y bydd angen i ni hefyd gael datganiad gennych chi. Byddwn yn cysylltu â chi i drafod hyn pan fyddwn wedi derbyn eich ffurflen.

Mae esboniad o’r hyn fydd yn digwydd ar ôl i ni dderbyn eich pryder i’w weld ar y dudalen Y Broses Ymchwilio.

Os nad ydych yn gallu cwblhau’r ffurflen bryderon, neu os oes angen cymorth arnoch i wneud hynny, cysylltwch â ni gan ddefnyddio unrhyw un o’r manylion cyswllt a ddarparwyd uchod.